S'isch 10ni z'Oobe, s'Minschtergleggli littet's scho!
Mr sin grad uff em Heimwäg, doch bliibe mr bletzligg stoh:
Bim Minschterblatz gsehn mr und riibe is d'Auge,
Uff aimool Schlange, Lama, Affe, s'isch nid zum glaube!
Dernäbe Fraue verglaided als Jane in viel z'knappe Lumpe,
Halbnagti Männer dien wie dr Tarzan ummegumpe!
In e kinschtlige Dschungel het sich dr Blatz verwandlet,
'Fir e Stadtwett z'gwinne? waiss e Jane, wo grad miteme Tarzan aabandlet.
Die flissige Kommentatore vo 'Wetten, dass ?' brichte in d'Joggelihalle:
?D'Basler lehn sich dr ?Langwiiler-Spruch? vom Thomas nid gfalle.?
Und hänn drum alles megleggi unternoh
Damit dr Gottschalk muess go Zimmer moole goh.
Luegsch die Szenerie so aa, do frooge mr is banaal:
Gitt?s z?Basel nid sunsch scho gnueg ?Dschungel? iiberall?
So uniibersichtlich wie Wäg im Dschungel,
Isch gsi uff dr Autibahn de Baustelle-Krungel:
Zwische Prattle und Voltaplatz fahrsch uff dr Spur 3
Wie im Schieler-Verkehrsgarte vo dr Polizei.
Au dr Dschungel kämpft mit de Element.
Bi uns in dr Stadt gitt?s immer meh Bränd
Im Augschte isch is dr Petrus nid grad wohl gsunne:
Weg sim Summerrääge sin Birs und Rhy iiber d?Ufer gsprunge.
Au wenn d?Luft nim grad spiirbar vo dr Chemie wird verpeschtet,
So sin ihri Gift in dr Hard im Wasser z?finde, s?isch amtligg teschdet.
So ruhig wie im Dschungel söll?s z?Basel au sii,
Zumindest wünsche sich das d?Glaibasler bim Rhy!
Nacheme Tattoo deerf me d?Böller nim schiesse
Uffem Floos keini Konzert meh, d?Biehni kasch schliesse.
Und irgendwenn froogt me sich denn: ?Wieso,
muess ich fir e tolle Aalass immer uff Ziiri go??
Im Dschungel duet au gärn emol öppis veschwinde.
Bi dr Winzerzunft weiss nur dr Gerspach, wo me no Geld könnt finde.
S?Casino-Projekt bliibt amene Referendum hange, In dr Roggeburgstroos loht e Fluugi Lütt loh bange.
Trolleybus werde abglöst vo Autobus nach Mass
D?OeKK gitt neu als Sympany mächtig Gas
Wildi Tier im Dschungel findet me nach de Wahle eher in Bärn:
Deert wurd dr Blocher wie dr Leu im Revier ellai herrsche gärn!
Dr Wahlsieger Ueli drummlet sich im Gorillastil uff siini breit gschwellti Bruscht,
Die andere Parteicheffe stregge wie Giraffe d?Hälser zämme uss Fruscht.
S?Elefantegedächtnis vom Parlament hett d?Blocher-Maniere nid vergässe
Erklärt ihn sälber zem schwarze Schoof und wird vomene Biendner Steibogg-Wiibli gfrässe.
Das isch em Mörgeli denn wieder nid einerlei:
Nach em BL-Chaschper rieft au er nach Opposition, wie?ne Papagei!
Natierligg gäb?s no viel meh Dschungel-Gschichte
Doch wämmer jetz Schluss mache mit em Brichte.
Mir wiensche allne fir die scheenschte 3 Dääg
Viel Spass im Fasnachtsdschungel und bliibet zwäg!
Eiri Gassebrieder
Do no e "Werbeblogg" soz'sage in eigener Regie:
Unseri Zeedel sin gsponseret vom Berger Karlii
Dr Drugg verdangge mir emmene Oberbaselbieter
Es isch e Schwiizer und zwar dr Dieter