statt mit vyyl yyfer g'stramplet?
Dr Megge meint: "Hitte bisch z'Basel als Schugger nimme z'benyyde
Muesch dr Sprych aloose, d^'Lyt maise und dien Grimasse schnyyde.
In Stolle darfsch nur no, wenn saisch, dir sigg's pudelwohl!
Denn dä kasch nie wisse, ob yydailt bisch in dr Bike Patrol"
Dert wird nid lang mit dr g'hamplet
Ab uff's Bike, und denn wird g'stramplet!
D'Fremdeschuggerei vo Chur isch absolut genial
Die dängge sogar fyr's Kirchetribunal
Uusschaffe, ab und hai!
Zrugg mit em Bischoff Haas nach Liechtestai!
Vyyl z'lang hänn sie mit ihm g'hamplet
Jetzt efange isch'r iiber d'Gränze g'stramplet!
"Äxgyysi", "Tschuldigung", "Aua", "Kennte Sii nid e weneli rutsche?"
"Was hett er gsait?", "G'sesch Du eppis?", "Dä sell n o wyter iine glubsche!"
Das sin nimmi d'Zueschauer bi'nere wytere FCB-Blamage
Nai, soo goot's zue bi dr offizielle Blagette-Vernisage!
Und duesch au no so hample
Äs nutzt Dir nyt ä so goo z'strample!
Zai Bangg-Diräggter hänn ihri drunggene Halbeli ganz scheen g'spyyrt
Und sich dnoo uff em Haimwäg z'Freiebach glatt veriirtt.
Dert setzt ne dr Ebner ä neie Fuurz in Kopf
Und scho schmeisse die Zwai d'UBS und dr Banggverein in ai Topf
Damit die mid dä Milieenli meega hample
Mien die andere umso mehr strample
Dr Botha-Bau am Aescheplatz isch dängg jetzt denn bald läär
Dä Bungger wytter z'verschutte isch sicher vyyl z'schwär
Denn wer hett hytzutags no soo viel Glotz
Um zletschtamänd sich kenne z'laischte so'ne Protz
Um dr Pryys kenntisch no lang hample
S'Gäld hättsch nie zääme, au nid mit strample
Dr Jäggi René hett gha e ganz e diggi Vision
Und keederet drum Dytschi Altstars mit vyyl Lohn
Das isch aber de andere FCB-Tantene suur uffg'stoose
Drum isch dr Maischterdraum au voll in d'Hose
Heeret im Joggeli doch ändligg uff hample
Und versuechet wiider an de Geegner verbyy z'strample!
S'Vreneli sait verzwiiflet zem Papi:
"Do, lueg's aa, i glaub jetzt macht äs schlappi!"
Es piepst nimmi, macht kai Grach mee, myys Tamagutschi!"
Do freut sich dr Bappe: "Ändligg isch das Ding jetzt futschi!"
Dr Bappe muess mit em Vreneli nimmi hample
Das Ding hett vo-n'allai uffheere strample
Kuplimät, Du hesch Di ganz ohni z'hample
Duur dä Zeedel duure kenne strample!
Mir wiensche Dir jetz nach dere liechte Koscht
E wunderscheeni Fasnacht und PROSCHT!
Eiri Gassebrieder