D'Gassebrieder und dr Cortège

Liebi Gönnerin, Liebe Gönner,

An dääre Fasnacht, wo scho ab em 11. Meerze wird sy,
Sinn mir Gassebrieder au wieder derbi!
Mir hoffe, das isch Eich e Abschtecher wert
Zu de Pausene an unserem frisch-uffg‘motzts G‘fährt.
Yyglaade sinn Ihr härzligg, do ahne z’gho,
wo mir nid gärn wette ohni Eich ummestoh::

Mändig, 11. Meerze 2019:
13.30 Start Cortège am Wettstaiplatz
ca. 15.30 Halt in dr Steinetorstroos
ca. 17.15 zrugg am Wettstaiplatz,
wo sich’s au diesmool wieder lohnt z’warte!

Mittwuch, 13. Meerze 2019:
13.30 Start Cortège Wettstaiplatz
ca. 15.30 Halt in dr Steinetorstroos
ca. 17.15 Ussschiessete am Wettstaiplatz

Dr Routenplan Fasnacht 2019

Mr hoffe, Du däggsch die Termine nid verpenne
damit mr uff d'Fasnacht aastosse kenne!

Wottsch Di vorher scho yber unsere Waage informiere
Denn sottsch Dir de Daag do scho jetz reserviere:
Am Samschtig, 09. Meerze 2019, e halbi Stund nach de Zwei,
Stehn mir mit Waage bim Bajazzo z'Muttenz hoffentlig nid ellei!

Bim Muttenzer Schlussstraich am Samschtig, 16. Meerze 2019, das isch klar
Zieh'mr in Muttenz noonemol duur die ganzi Schar!
Es wär denn scheen, mit Eich irgendneuime nonemol zämmez’hogge,
Und yber die vergangene Dääg kenne gemeinsam z’frohlogge!
Mir hoffe, ihr süümet zahlriich unseri Wäg,
A scheeni Zyt, bis denne und bliibet zwäg!

Euri GASSEBRIEDER

Termine
09.03.2019
Waagevernissage
11.03.2019
Fasnacht Basel
12.03.2019
Fasnacht Basel
13.03.2019
Fasnacht Basel